Աղօթքի Համաշխարհային Օրուան Նշումը` Պուրճ Համուտի Մէջ
Ուրբաթ, 2 մարտ 2012-ի առաւօտուն, Նոր Մարաշի Հայ աւետարանական եկեղեցւոյ մէջ նշուեցաւ
«Աղօթքի համաշխարհային օր»-ը: Այս տարուան աղօթքը պատրաստուած էր Մալեզիոյ ՜՜Աղօթքի համաշխարհային
օրուան՝՝ յանձնախումբին կողմէ, եւ կը կրէր ՜՜Թող արդարութիւնը տիրէ՝՝ ընդհանուր թեման:
Աստուածաշնչական հատուածներու ընթերցումին, շարականի ու հոգեւոր երգերու երգեցողութեան
եւ յատուկ աղօթքներու արտասանութեան յաջորդեց պատգամի պահը: Այս տարուան պատգամաբերն
էր Նարեկ արք. Ալեէմեզեան՝ Մեծի Տանն Կիլիկիոյ կաթողիկոսութեան միջեկեղեցական յարաբերութիւններու
վարիչը, որ խօսեցաւ աստուածային արդարութեան երկրի վրայ հաստատման հրամայականին մասին:
Սրբազանը ըսաւ որ. ՜՜Քրիստոնեան կրաւորական էակ մը չէ. եկեղեցին իր ներգործօնութեամբ
կը յատկանշուի. որովհետեւ, երբ կ՛աղօթենք ՜՜թող արդարութիւն տիրէ՝՝ միաժամանակ յանձն
կ՛առնենք արդարութեան համար պայքարիլ, պայքարիլ` նոյնիսկ ի պահանջել հարկին մեր արեան
հեղումով, եւ անարդար կարգերը տապալել՝՝: